“Башкортстан продукты” маркировкалы товарлар саны арта

“Башкортстан продукты” маркировкалы һәм республика флагы төсләрендәге логотиплы товарларны Башкортстанда яшәүчеләр яхшы белә.

"Башкортстан продукты" — Башкортстан товар җитештерүчеләрен Русия базарында һәм чит илләрдә позицияләрен ныгыту максатында берләштерүче һәм аларга ярдәм итүче республика бренды. Проектның дипломант предприятиеләре продукциясе сәүдәнең барлык форматларында: төбәк һәм Федераль сәүдә челтәрләрендә, җәяү барып җитү мөмкинлеге булган кибетләрдә, стационар базарларда тәкъдим ителгән.

 Ул продуктның урындагы чималдан эшләнүе һәм сыйфат, шулай ук хәвефсезлек буенча барлык нормаларга туры килүе турында сөйли. Бу хакта социаль челтәрләрдә Башкортстан башлыгы Радий Хәбиров язган. Ул хәбәр иткәнчә, проект дипломантлары саны елдан-ел арта. Шулай итеп, соңгы биш ел эчендә алар 70 процентка арткан, бу вакыт эчендә мондый маркировкалы товарлар саны ике тапкырга арткан — һәм 30 меңгә җиткән. Соңгы ярты елда проектта катнашуга 62 дипломант кушылган. Хәзер проекта — 823 катнашучы, шуларның 665е – азык-төлек продуктлары һәм 158е — азык-төлек булмаган товарлар җитештерүчеләр.

 Башкортстанда җитештерелгән сыйфатлы продукция республикадан читкә чыгарыла. “Башкортстан продукты”нда катнашучы 326 кеше продукцияне Русия Федерациясе субъектларына җибәрә, 35 дипломант продукцияне чит илләргә экспортлый. “Проектта катнашу җитештерүчеләргә төбәк һәм Федераль сәүдә челтәрләренә керергә мөмкинлек бирә. Асылда без бердәм көчле бренд булдыра алдык, ул безнең республикада һәм аннан читтә дә бик кирәкле һәм аңа һәрвакыт ихтыяҗ бар”, — дип билгеләгән Радий Хәбиров.

Ә сез Башкортстанда җитештерелгән сыйфатлы продукция кулланасызмы?