Алдагы көннәрдә нинди һава торышы көтелә?

Синоптиклар хәбәр итүенчә, бүген, урыны белән бераз кар явуы көтелә. Җил көньяк-көнчыгыштан талгын. Көндез һава температурасы +1, -4 градус тәшкил итәчәк.

Чәршәмбе, 6 ноябрьдә, кар явачак,төнлә көньякта көчле кар явуы көтелә, юлларда бозлавык. Җил төньяктан, төньяк-көнчыгыштан уртача, көньякта көчле җил булачак. Термометр баганалары төнлә -2,-7, көндез +1,-4 градус күрсәтәчәк.

Пәнҗешәмбе көнне, 7 ноябрьдә, бераз кар явуы көтелә, төнлә көньяк-көнчыгышта көчле кар явуы көтелә. Җил көнбатыштан, көньяк-көнбатыштан уртача исәчәк. Төнлә -4, -9, аязытканда -14 градуска кадәр суыта, көндез -2, -7 градус салкын булачак.