Исерек хәлдә булган өчен кыйммәтле иномаркасын тартып алганнар

Белоретта суд исерек водительнең кыйммәтле иномаркасын конфискацияләгән. Белорет районара суды җирле кешегә карата хөкем карары чыгарды.

Август аенда  суд ирнең хатыны 2024 елның июнендә  2,2 миллион сумга сатып алган “Хавал Джунинон” машинасы белән исерек килеш идарә итүен ачыклаган. Юлда аны ЮХХДИ хезмәткәрләре туктаткан. Медицина тикшерүе водительнең исерек булуын ачыклаган. Гаепләнүче гаебен таныган.

2 елга транспорт чаралары белән идарә итү эшчәнлеге белән шөгыльләнү хокукыннан мәхрүм итеп,  суд аңа 250 сәгать мәҗбүри эш рәвешендә җәза билгеләгән. Чит ил машинасын дәүләт кеременә конфискацияләгәннәр.