Җырчы Иркәнең ире СВО дан бөтенләйгә кайткан

Иркә бу хакта үзенең социаль челтәрдәге битендә хәбәр итте, дип яза ВТ. Ул тамашачыга, җырчы дусларына ихластан рәхмәтен җиткерде.

 – Артур киткәннән бирле хәлебезне сорап торган һәр кешегә рәхмәтлемен. Меңләгән хатлар алдым. Сезгә шуны җиткерәм – Артур бөтенләйгә кайтты. Башка берни әйтмим. Бу хакта кабат сөйләшмик. Тиздән концертларым була – анда берничә серемне ачармын, – ди ул. Җырчы куйган фотодан Артурның таякка таянып торуы күренә. “ВТ” үз чыганаклары аша Артурның нык яралануы, аягына зыян килгәнен хакында белгән иде. Без Артурга нык сәламәтлек, тизрәк савыгуын телибез.
 Фото ВК