Якташыбыз Краснодар краенда полицейскийны кыйнаган

Краснодар краенда  бер ир-атның полицейскийга һөҗүменнән соң “Антитеррор” чарасы үткәрелә. Шәһәрдән чыгу юллары, тимер юл һәм автовокзалларда режим көчәйтелгән. Водительләр  тыгыннарда тора.

SHOT Telegram-каналы язуынча, ике полиция хезмәткәре, төнлә Абдюшев  белән аның танышы янына килеп,  документларын күрсәтүне сораганнар. Ир-атлар документларын күрсәтүдән баш тарткан, полицейскийларны кыйный башлаганнар. Абдюшев кече лейтенантны каты тукмаган һәм, документларын алып, качкан. Аның танышын тоткарлаганнар. Абдюшевны эзлиләр. Имгәнгән полицейский авыр хәлдә дәваханәдә ята.

Марат Абдюшев Кубаньгә Уфадан килгән. Ул “аеруча эре күләмдә мошенниклык” маддәсе буенча федераль эзләүгә игълан ителгән булган. 

Чыганак: SHOT Telegram-каналы.