Игътибар, алдана күрмәгез. Бу схема турында да белегез.
Аферистлар почта тартмаларына ялган квитанцияләр җибәрә башлаганнар. Янәсе түләү буенча сезнең бурыч бар дигән. Шул квитанцияләрдә QR-кодлары ялган икән. Әгәр аның буенча түләсәң, акча мошенникларга күчәчәк. Моннан тыш, QR-код фишинг сылтамага алып бара икән. Шул сылтама буенча керсәгез, мошенниклар сезнең шәхси мәгълүматларга керү мөмкинлеге алачак.
Ялган квитанцияне түләүченең реквизитлары буенча танырга мөмкин, дип хәбәр итә Торак-коммуналь хуҗалык министрлыгы. Моның өчен шикле квитанция мәгълүматларын алдагы түләүләрдә күрсәтелгән мәгълүматлар белән чагыштырырга кирәк.