Бөредән җиңүләр белән!

Бүген Бөре шәһәрендә каратэ (киокусинкай) буенча Бөре шәһәренең Ачык Кубогы узды.

Безнең районнан ярышларда тренер Евгений Андреев җитәкчелегендәге "Яшьлек" физкультура-савыктыру комплексы тәрбияләнүчеләре катнашты.

Үз категорияләрендә Раиль Камилҗанов, Эмиль Муллахмәтов, Артур Әхмәтшин – беренче, Самир Сафин, Радим Гарипов, Марат Борһанов, Алмаз Нуркаев – икенче, Алина Сафина, Самир Хисаметдинов, Самат Ногымановлар өченче урынны яулады.

Назар Сираев үзен ярышлар судьясы ролендә сынап карады.

Тренерларын һәм яшь спортчыларны югары нәтиҗәләр белән котлыйбыз һәм киләчәктә дә җиңүләр телибез!