“Аерылышканда малайларны әтиләрендә калдырырга кирәк!”

Бу ысул белән, бәлки, алимент түләмәүчеләр белән проблеманы хәл итеп булыр, дип белдергән Дәүләт думасы депутаты Дмитрий Кузнецов.

"Проблеманы чишү юлын таптым. Аерылышканнан соң, 8 яшьтән өлкәнрәк малайларны әтиләре янында калдырырга кирәк. Бер генә адекват ир-егет тә хатын-кыздан алимент таләп итмәячәк. Бер уңайдан туучылар саны артачак һәм аерылышучылар саны кимиячәк. Бер тиен бюджет акчасыннан башка", - дип билгели ул.

Депутат сүзләренчә, бу мәсьәләне хәл итүдә велосипед уйлап табарга кирәкми, ә Русиядәге борынгы традицияләргә иярергә кирәк, анда үсеп җиткән малайларны әтиләре тәрбияләгән.

"Малайларны ирләр тәрбияләргә тиеш. Бу ир балаларның үзләренә кирәк. Өч малай әтисе буларак моны раслыйм", - дип нәтиҗә ясаган Кузнецов.

Фото: azbyka.ru