Алдагы озын ялларда Башкортстанда нинди һава торышы көтелә?

Синоптиклар киләсе озын ял көннәрендә һава торышы турында сөйләделәр. Башгидромет мәгълүматлары буенча, иртәгә, 28 апрельдә, көндез республика буенча кыска вакытлы яңгырлар, яшенле яңгырлар узачак. Җил көньяк-көнбатыштан, көнбатыштан уртача тизлектә исәчәк, көндез урыны белән көчле. Һава температурасы төнлә +12, +17°, көньяк-көнчыгышта +7°, көндез +20, +25° тәшкил итәчәк.

Дүшәмбе, 29 апрельдә, шулай ук урыны белән кыска вакытлы яңгырлар булырга мөмкин. Җил төньяк-көнбатыштан, төньяктан уртача тизлектә исәчәк. Һава температурасы төнлә +6, +11°, көндез +13, +18° тәшкил итәчәк.

Сишәмбе, 30 апрельдә, һава температурасы +13° кадәр генә җылы булачак. Явым-төшем көтелми.

Майның беренче көнендә болытлы һава торышы фаразлана. Температура фоны +10, +13° чикләрендә калачак.