Башкортстанда янә магнит давылы көтелә

Гисметео мәгълүматлары буенча, зур булмаган тайпылышлар күзәтелә, ләкин кичкә алар көчәя. Эш шунда, соңгы тәүлектә кояшта берьюлы берничә М классындагы агрессив ялкыннар булган. Белгечләр мондый чорларда үз-үзләренә игътибарлы булырга һәм мөһим эшләрне башкармаска киңәш итә. Бу аеруча метео сизгер кешеләргә кагыла.

«Башинформ» хәбәр иткәнчә, метеобәйле кешеләрдә сәламәтлек торышы начарлануы мөмкин: баш авырту, баш әйләнү, күңел болгану, йөрәк авыртуы, хәлсезлек һәм йокымсырау, арка һәм буыннар авыртуы, югары кан басымы, хроник авыруларның кискенләшүе.