Уразай авылында Корбан ашы уздырдылар

МХОга чакырылган райондаш ир-егетләр исән-сау әйләнеп кайтсыннар!

Бу хакта социаль челтәрләрдәге сәхифәсендә Балтач районы Хакимияте башлыгы Илгиз Субушев хәбәр итте.

“Уразайлылар коллектив дога уку белән Корбан ашы йоласын үткәрделәр. Ритуалны Җиңү, тынычлык, бүген Украинада махсус хәрби операция зонасында үз бурычын үтәүчеләрнең, мобилизацияләнгән сугышчыларның исән-сау кайтуларын теләп үткәрделәр. Уразай авылында яшәүчеләргә, якташларыма гражданлык активлыгы өчен рәхмәт белдерәм. Чараның инициаторы һәм спонсоры Нурихан Дилмиевка зур рәхмәт”, — дип язды Илгиз Әхвәс улы.