Хезмәт хакы тагын артачак!

Моңа бәйле бер яңалык көтелә!

Россия Президенты Владимир Путин Хөкүмәткә 2024 елның 1 гыйнварыннан хезмәткә түләүнең минималь күләмен тагын 10%ка арттыру бурычын йөкләгән.

 Бу хактагы тиешле карар Кремль сайтына урнаштырылган.

Карарда:“Россия Федерациясе Хөкүмәтенә: 2024 елның 1 гыйнварыннан хезмәткә түләүнең минималь күләмен өстәмә рәвештә 10 процентка арттырырга”, – диелгән. Министрлар Кабинетына бу уңайдан башкарылып килгән әзерлек эшләре турында 2023 елның 1 июленә һәм 15 декабренә кадәр хисап тапшырырга кирәк булачак.

Бурычны үтәүгә җаваплылык Премьер-министр Михаил Мишустинга йөкләнгән.