Һиндстанда Рапунзель синдромлы кыз күпләрне гаҗәпкә калдырган

Мумбаи . 22 ноябрь - "Балтач таңнары". Һиндстанның Мумбаи  шәһәрендә табиблар 13 яшьлек кызның ашказаныннан регби тубы кадәр, 1,2 килограмм авырлыкта, укмашкан чәч  шарын алган.

Кызның әти-әнисе сөйләвенчә, ул җиде ел дәвамында  үз чәчләрен ашаган һәм тырнакларын кимергән.

Мондый  тайпылышлар Рапунзель синдромы дип атала һәм ул  кызларда, малайларга караганда, еш очрый. Чәч үзләштерелмәгәнгә күрә , алар ашказанында җыелалар һәм эчәкләр авыртуына китерә.

 Табиблар сәгать ярым хирургия операциясе барышында пациентканың ашказаныннан чәч шарын чыгарган.