Барлык яңалыклар
Новости
13 Май , 10:25

Соль-Илецкины ябалар, ди... Дөресме?

Ни өчен? Бу сорау җәйләрен тозлы күлдә үткәргән күпләрне борчуга салган.

Соль-Илецкины ябалар, ди... Дөресме?
Соль-Илецкины ябалар, ди... Дөресме?

 

Ни өчен? Бу сорау җәйләрен тозлы күлдә үткәргән күпләрне борчуга салган.

 

«Тозлы күлләр» курорты хакимияте туриндустрия вәкилләренә Соль-Илецкига турларны сатуны туктатып тору үтенече белән мөрәҗәгать иткән. Ни булган соң?

Бу хакта оешманың рәсми сайтында хәбәр ителә, дип яза чыганак.

Аерым алганда, туроператорларга һәм турагентлыкларга әлегә шәһәр шифаханәләренә турпакетлар сатудан тыелырга, ә урындагы кунакханәләргә туристларга номерларны броньлаудан баш тартырга киңәш ителә. Кунакларны кабул итүне нинди чорга туктатырга кирәклеге аныкланмый.

Шунысын да билгеләп үтәргә кирәк: сайт потенциаль туристларны артык пессимистик мөрәҗәгать белән каршы ала: "Хөрмәтле туристлар! "Тозлы күлләр" курорты ябык. Сезне киләсе елда көтәбез!"

Димәк, быел Соль-Илецкида туристлар булмаячак. Шул ук вакытта сәяхәтчеләргә сәламәтләндерүдән баш тартуның рәсми сәбәбе - турсезонның старт көнен билгеләү мөмкинлеге булмау.

Әмма урындагы мәгълүмат чаралары тозлы күлләр районнарында карст чокырлары барлыкка килү куркынычы турында яза. Хәзер анда җир астын ныгыту буенча эшләр алып барыла, шуңа күрә объектларга чит кешеләрне кертү катгый тыела. Өстәвенә, узган гасырда Соль-Илецк шәһәрендә бөтен сулыклар җир астына киткән очраклар да булган иде инде.

Туристлар альтернатива сыйфатында Волгоград өлкәсенең Эльтон күленә, яки Әстерхандагы Баскынчакка сәфәр кыла ала.

*Үзебезнең Башкортстан җирендә дә шифалы күлләр бар. Эчке туризмны үстерү милии проекты тормышка ашырыла. Шул максатчан программалар чикләрендә бу “бушлык”  якын киләчәктә ябылыр әле, дип өметләник.

Фото: 34374.info

 

Автор:
Читайте нас в