Республика конкурсыннан уңышлар белән!

Бүген Краснокама районында "Остаз" республика конкурсының зона этабы узды. Биредә Балтач, Мишкә, Дүртөйле, Яңавыл, Краснокама районнарыннан һәм Нефтекама шәһәреннән башкорт теле укытучылары катнашты.

Конкурсның төп максаты буларак иң яхшы педагогик идеяләрне тарату өчен һөнәри киңлек булдыру, педагогның хезмәт абруен күтәрү һәм остазның социаль статусын күтәрү тора.

Балтач районы данын район мәгариф бүлеге методисты Лариса Нуртдинова җитәкчелегендәге “Балкыш” команасы лаеклы яклады (Зифа Шәймөхәмәтова, Светлана Мөбәрәкова (Иске Балтач 1нче урта мәктәбе), Зифа Рәҗетдинова, Земфира Шәйхинурова, Гөлназ Әнвәрова (Иске Балтач 2нче урта мәктәбе), Рәзилә Шәрифнурова (Сәйтәк урта мәктәбе), Рәмзия Вәлинурова (Штәнде урта мәктәбе), Гөлнәзирә Имамова (“Кояшкай” балалар бакчасы).

Бәйге өч турдан тора. Балтачлылар чараның барлык этапларын да лаеклы үтеп, “Милли мәгарифнең ныклы калканы” номинациясендә җиңү яуладылар.

Бәйге барышында конкурсантлар үзләре белән таныштырдылар, башкаларга карадылар, осталыкларын күрсәттеләр һәм алга таба иҗади эш өчен стимул алдылар. Ярышлар бер үк вакытта кызу һәм күңелле үтте.