Бәйрәм кичәсе күңелле үтте

Түбән Карыш авыл мәдәният йортында “Яз сулышы” дип аталган бәйрәм концерты гөрләп үтте.

Күңелләргә үтеп керердәй җырлар һәм дәртле биюләр катнашучыларга күп кенә күңелле һәм уңай хис-кичерешләр бүләк итте. Программада “Умырзая” һәм “Юлдаш” үзешчән сәнгать коллективлары, “Тамчылар” бию коллективы, “Смешарики” балалар бакчасы тәрбияләнүчеләре катнашты.

Чыгышлар сөйкемле әниләр адресына ихлас, җылы котлаулар белән үрелеп барды.

Бай эчтәлекле, чагу һәм күңелле концерт бер тында үтте. Һәр чыгышны тамашачылар бик җылы каршы алды, алкышларга күмде һәм күркәм кичәдән бай тәэссоратлар, яхшы кәеф алып таралышты.