Белорет районы Дәүләт автоинспекциясе хезмәткәрләре фаҗигале юл-транспорт һәлакәте урынында эшлиләр.
Бүген көндезге сәгать берләр тирәсендә Уфа-Инзер-Белорет автоюлының 172 чакрымында үлемгә китергән юл һәлакәте булган.
Беренчел мәгълүматлар буенча, "Лада Приора" автомобиле водителе Белорет шәһәреннән Уфага таба хәрәкәт иткәндә каршыга килгән "Фольксваген Поло" белән бәрелешкән.
Юл-транспорт һәлакәте нәтиҗәсендә "Лада Приора"ның водителе һәм пассажиры алынган җәрәхәтләрдән һәлакәт урынында үлгән, тагын өч пассажир төрле җәрәхәтләр белән дәваханәгә озатылган.
Фаҗигале вакыйга урынында тикшерү эшләре бара.