Юлларда сак булыгыз: аварияләр ешайды...

“Лада Гранта” пассажиры “Хендай” машинасы белән бәрелешү нәтиҗәсендә һәлак булган. Фаҗига бүген иртән Уфа — Иглин юлының 4нче чакрымында булган.

Билгеле булганча, 35 яшьлек “Лада” водителе бозлавык аркасында машина белән идарә итүне югалткан һәм каршы полосага килеп чыккан. Анда ул 42 яшьлек ир-ат идарә иткән "Хендай Туксон" автомобиле белән бәрелешкән.

Авария нәтиҗәсендә алган җәрәхәтләрдән пассажир хатын дәваханәдә үлгән. Хәзер булган хәлнең барлык сәбәпләре һәм детальләре ачыклана.

Хөрмәтле водительләр! Юлларда бозлавык, сак булыгыз!