Йөк машинасына астына барып кергән...

Башкортстанда “ВАЗ-2111”  автомобиле йөк машинасы астына барып кергән. Бу хакта БР буенча Дәүләт автоинспекциясенең матбугат хезмәте хәбәр итә.

Билгеле мәгълүматлар буенча, кичә кичке җиделәр тирәсендә, Уфа-Ырынбур Р-240 автоюлының 15нче чакрымында 60 яшьлек “ВАЗ-2111” автомобиле водителе, Уфа шәһәреннән Мәскәүгә таба хәрәкәт иткәндә, юлда торган “Вольво” йөк машинасына барып бәрелгән.

Юл-транспорт һәлакәте нәтиҗәсендә җиңел автомобиль водителе алган тән җәрәхәтләреннән ашыгыч медицина ярдәме машинасында үлгән.

Юл-транспорт һәлакәте урынында Дәүләт автоинспекциясе хезмәткәрләре һәм башка ашыгыч хезмәтләр эшли. Нечкәлекләре ачыклана.

Хөрмәтле водительләр. Юлларда бозлавык, сак булыгыз!