Аңа нибары 33 яшь булган

Дәүләт автоинспекциясе хезмәткәрләре Зианчура районында булган фаҗигале юл-транспорт һәлакәтенең шартларын ачыклый.

Авария кичә кичке сәгать уннар тирәсендә Югары Сарабил-Кувандык автоюлының 46нчы чакрымында теркәлгән.

Билгеле булуынча, 33 яшьлек водитель, “ВАЗ-2114” автомобиле белән Малиновкадан Әбүләис авылы ягына хәрәкәт иткәндә, машина белән идарә итүне югалтып, кюветка төшеп китә һәм агачка барып бәрелә.

Юл-транспорт һәлакәте нәтиҗәсендә водитель алган җәрәхәтләрдән һәлакәт урынында ук үлгән.

Хәзер юл-транспорт һәлакәтенең барлык шартлары да ачыклана.