Каршыга килгән фура астына барып кергән...

Салават районында фаҗигале юл-транспорт һәлакәтенең шартларын ачыклыйлар.

Төбәк дәүләт автоинспекциясе матбугат хезмәтендә хәбәр итүләренчә, авария бүген көндез “Урал” М-5 автоюлының 1618нче чакрымында булган. Беренчел мәгълүматлар буенча, “Опель Астра” руле артында  57 яшьлек водитель каршы полосага чыккан һәм “Ситрак” фурасы белән бәрелгән.

Юл-транспорт һәлакәтендә “Опель” водителе ашыгыч медицина ярдәме килгәнче үк үлгән.

Һәлакәт урынында Дәүләт автоинспекциясе хезмәткәрләре һәм башка ашыгыч хезмәтләр эшли. Трассада реверсив хәрәкәт оештырылган. Юл-транспорт һәлакәтенең нечкәлекләре ачыклана.