Трассада өч машина катнашында авария теркәлгән

Башкортстанда бензовоз белән юл-транспорт һәлакәтендә ике кеше зыян күргән. Зыян күрүчеләр күпсанлы җәрәхәтләр белән дәваханәгә озатылган.

Авария Мишкә районында Уфа-Яңавыл трассасының 118нче чакрымында була. БР буенча Гадәттән тыш хәлләр министрлыгы матбугат хезмәте мәгълүматы буенча, бензовоз һәм “Volkswagen” җиңел автомобиле бәрелешкән. “Volkswagen” белән бер “Газель” да тагылуда булган.

Көчле бәрелүдән “Фольксваген” юл читенә төшеп китә, водителе зыян күрми.

Вакыйга урынына килгән гадәттән тыш хәлләр министрлыгы янгын коткаручылары тимер өемнәренә әйләнгән машиналардан бер ирне һәм хатын-кызны азат итәләр.

Хәзерге вакытта юл-транспорт һәлакәте урынында янгын сүндерүчеләр һәм башка ашыгыч хезмәтләр эшли. Авариянең сәбәбе ачыклана.