Узган атнада Балтач районы территориясендә 2 юл-транспорт һәлакәте теркәлгән. Бәхеткә, зыян күрүчеләр юк.
Шулай ук рейдлар барышында ЮХХДИ хезмәткәрләре юл хәрәкәте кагыйдәләрен бозуның 137 очрагын ачыклаган.
Транспорт чаралары белән идарә итү хокукы булмаган 5 кеше, шулай ук элек идарә итү хокукыннан мәхрүм ителгән 3 водитель тоткарланган. Биш водитель исерек хәлдә транспорт чарасы белән идарә иткән. Махсус хәвефсезлек каешларын куллану кагыйдәләрен санга сукмаган 30 водитель ачыкланган. 4 кеше балаларны автотранспорт салонында йөртү кагыйдәләрен бозган.
Хөрмәтле водительләр, игътибарлы булыгыз, юл хәрәкәте кагыйдәләрен үтәгез! Юллардагы иминлек үзебездән тора.