Бер авариядә җиде кеше зыян күргән

Архангель районында теркәлгән авария нәтиҗәсендә  җиде кеше зыян күргән, дип хәбәр итә “Башинформ” агентлыгы.

Чыганактан билгеле булуынча,  Уфа – Инзәр – Белорет автомобиль юлының 73нче чакрымында Тирәкле авылыннан ерак түгел ике җиңел машина –  “Лада Веста” (анда 4 кеше булган, шул исәптә 2 бала) һәм “Volkswagen Golf” (4 кеше булган, шул исәптә 2 бала) бәрелешкәннәр.

Коткаручылар каза күргәннәрне машиналардан азат иткән. Аларга ашыгыч ярдәм хезмәте килгәнче беренче ярдәм күрсәткәннәр.

Бәхеткә, һәлак булучылар юк. Җиде кеше имгәнгән. 3 өлкән яшьтәге һәм 4 баланы Уфа шәһәре дәваханәсенә озатканнар.