Борай районында пенсионер хатын акчаларын курьерга биреп җибәргән

Борай районында 60 яшьлек хатын, үзләрен махсус хезмәтләр белгечләре дип таныштырган мошенникларга ышанып,  4 миллион сумнан артык акчасын югалткан.

Бар да  телефонга шалтыратудан башланган: билгесез адәм ханымга түләүләр тиеш дигән дә шәхси мәгълүматларын хәбәр итүне таләп иткән. Күп тә үтми икенче мошенник хатын шалтыратып, беренче шалтырату, имеш тә, җинаятьчеләрдән булуын һәм  шуңа күрә тиз арада акчаларны “коткарырга” кирәклеген аңлаткан.

Арытаба пенсионер хатын белән “хокук саклау органнары хезмәткәре” элемтәгә чыккан. Видеоэлемтә аша ул янәсе дә ханымның акчалары җинаять эше буенча үтүне дәлилләүче аудиоязманы күрсәткән. Купюраларны тикшерер өчен пенсионер ханымны барлык акчаларын тиз арада килеп җиткән курьерга тапшырырга күндергәннәр.

Мошенниклар белән элемтә өзелгәч кенә пенсионер ханым алданганын аңлаган.

БР буенча Эчке эшләр министрлыгы искәртә: чын банк һәм полиция хезмәткәрләре беркайчан да курьерларга акча бирүне яки телефон аша кредитлар рәсмиләштерүне сорамыйлар. Әгәр сезгә мондый таләпләр белән шалтыратсалар – шунда ук әңгәмәне өзегез һәм полициягә шалтыратыгыз.

Чыганак: bashinform.ru