Башкортстанда балалар учреждениләрендә Яңа ел тантаналары ничек узачак?

Уфа. 6 декабрь - "Балтач таңнары". Башкортстанда балалар учреждениләрендә гомум Яңа ел  тантаналары булмаячак.

Башкортстан мәктәплеәрендә һәм балалар бакчаларында    чыршы бәйрәмнәре  сыйныфлар һәм группаларда гына үтәчәк. Бу хакта бүген, 6 декабрьдә,  БР Роспотребнадзор башлыгы Анна Казак хәбәр иткән.

Аның сүзләренә караганда, балалар өчен уртак  тантаналар  үткәрелмәячәк.  Мондый чаралар коронавирус йогышы белән бәйле.

- Бәйрәм чаралары бары тик бер сыйныф яки төркем өчен генә үткәрелергә тиеш, - дип белдергән Казак.

Элегрәк республиканың Мәгариф һәм фән министрлыгы әлеге чараларга бары тик вакциналаштырылган ата-аналар  гына кертеләчәк, дип хәбәр иткән иде. Моннан тыш,   тантанага аниматорлар, артистлар, фотографлар һәм башка өченче затлар кертелмәячәк.