Аскында мәктәп укучыларына студент билетлары тапшырылган

 Аскын. 14 декабрь - "Балтач таңнары". Аскынның беренче һәм икенче санлы урта  мәктәпләрендә белем алучы 21 укучыга студент билетлары тапшырылган.

"Ничек шулай? Мәктәп укучысы һәм студентлар? Чыннан да?».  Әйе, Әйе! Бу реаль хәл.

Эш шунда ки, агымдагы елда, "Мәгариф" илкүләм проектын гамәлгә ашыру максатларында,  Аскын районы администрациясе һәм Уфа дәүләт нефть техник университеты арасында килешү төзелгән. Аның нигезендә Аскынның  беренче санлы  урта мәктәп базасында Аскын  беренче һәм икенче с анлы  мәктәпләренең 9,10 һәм 11 сыйныф укучылары өчен университет төркемнәре ачылды. Аларны «нуленче» курс укучылары дип атыйлар. Аларда мәктәптән соң югары техник уку йортларына укырга керергә теләүчеләр укый.

Паспортлар тапшыру тантанасы кысаларында  “нуленче" курстагы 21 студентка студент билетлары тапшырылган. Аларны студентлар район Хакимияте башлыгы Динис Йосыпов кулыннан алганнар.

- Әлеге хезмәттәшлек булачак студентны әле мәктәптә укыган чагыннан югары уку йортының чын студенты булып үсәргә булышлык итә. Балаларга уку йортының электрон китапханәсенә, барлык кирәкле мәгълүмат белән кулланырга мөмкинлек бирелә. Моннан тыш, студентлар билеты белән безнең укучыларыбыз университетка, аның лабораторияләренә йөрергә, кайбер дәресләрдә катнашырга хокуклы, - дип  белдергән Динис Йосыпов.

Ул билгеләп үткәнчә, билетлар алган укучылар УГНТУ үткәрә торган барлык олимпиадаларда да актив катнашырга тиеш. Балалар мәктәп эскәмиясеннән әлеге уку йортына укырга керергә әзерләнәләр..  Укуларга җаваплы карарга өндәгән район башлыгы.

- Капиталь ремонттан соң шундый ук килешүне Башкорт авыл хуҗалыгы һөнәри көллияте белән УГНТУ арасында да төзиячәкбез. Колледж студентларның квалификациясен күтәрүдә генә түгел, аларны укытучы педагогларның да белемен күтәрүгә дә булышлык итәчәк, — дип планнары белән уртаклашкан Динис Йосыпов.