Башкортстан районнарында кибетләр өчен җир урынын сәүдәсез алырга мөмкин булачак

Язгы сессиянең йомгаклау утырышында Башкортстан Дәүләт Җыелышы-Корылтай депутатлары яңа закон кабул итәчәк.

Ул авылларда сәүдә һәм җәмәгать туклануы объектлары төзү өчен җир участокларын бирүгә кагылачак.

Корылтай рәисе Константин Толкачев хәбәр итүенчә, сүз биш меңнән ким халык яшәгән авыллар турында бара. Районнарның административ үзәкләре өчен гамәлдәге тәртип көчендә булачак.

Ул шулай ук Законны кабул итү авыл җирлегендә сәүдә һәм җәмәгать туклануы өлкәсе үсешендә уңай чагылыш табачагын билгеләп үтте. Толкачев хәбәр иткәнчә, әлеге вакытта Башкортстанда 1800 авылда бөтенләй сәүдә объектлары юк.