Яңа эш атнасында нинди һава торышы көтелә?

Башкортстанда киләсе эш атнасы көчле явым-төшемнәрдән башланачак. Бу хакта Гидрометеоүзәк белгечләре хәбәр итә.

Иртәгә, 16 декабрьдә, кар явачак, урыны белән көчле, ә кайбер районнарда буран булуы фаразлана. Моннан тыш, юлларда кар көртләре, бозлавык булачак. Җил көньяк-көнбатыштан уртача, урыны белән көчле. Төнлә һава температурасы -10, -15, аязганда -20, көндез -1, -6 градус булачак.

Сишәмбе, 17 декабрьдә, Шулай ук кар, кар катыш яңгыр явуы көтелә. Термометр баганалары төнлә һәм көндез -2, -7 градус күрсәтәчәк.

Синоптиклар билгеләвенчә, алдагы көннәрдә дә һава торышы сизелерлек үзгәрмәячәк. Әлегә бураннар туктарга уйламый.