Бу бураннар озаккамы?

Алдагы өч көн Башкортстанда буранлы булачак, дип хәбәр итә төбәк синоптиклары.

Башгидромет мәгълүматлары буенча, бүген республикада кар катыш яңгыр көтелә. Кайбер районнарда буран, юлларда бозлавык, кар өеме күзәтеләчәк. Җил көньяк-көнбатыштан уртача, урыны белән көчле. Көндез температура 0, -5 градус.

Җомга көнне, 13 декабрьдә, янә буран, юлларда кар өермәсе, бозлавык көтә. Җил көньяк-көнбатыштан, көнбатыштан уртача, урыны белән көчле. Төнлә -5, -10, көндез 0, -5 градус булуы көтелә.

Шимбә көнне, 14 декабрьдә, синоптиклар шулай ук кар явуын фаразлый. Җил көнбатыштан, төньяк-көнбатыштан уртача, урыны белән көчле. Төнлә һәм көндез -7, -12 градус тәшкил итәчәк.