Сыерның ничә яшьтә икәнлеген мөгезенә карап белеп була икән...

18 айга кадәр яшен санау өчен мөгез озынлыгын үлчиләр. Бозауның мөгезе гомеренең беренче ай азагында төртеп чыга һәм ай саен 1 сантиметрга үсә. Мөгезне үлчиләр һәм нәтиҗәгә берне кушалар. Мәсәлән, 5 сантиметр мөгезе булган бозау алты айлык дип исәпләнә.

Сыерның яшен мөгезендәге боҗралар күрсәтә. Ул агач кәүсәсендәге боҗраларны хәтерләтә, тик тышкы якка гына чыга. Монда барысы да гади: боҗра ничәү булса, сыер шулкадәр бозаулаган. Хәзер нәтиҗәгә 2не кушарга кирәк (бу - бозаулаганчы узган вакыт). Кысыр калган еллар да мөгездә чагылыш таба — боҗралар арасында киңрәк ара ясала.

Чыганак.