Әзер булыгыз: һава торышы кискен үзгәрәчәк

Алдагы көннәрдә Башкортстанда һава торышы кискен үзгәрәчәк.

Яңгырлар һәм кар явуы көтелә, дип хәбәр итә Башгидромет синоптиклары.

Әйтик, бүген, 9 октябрьдә, урыны белән яңгыр явуы көтелә. Җил көньяк-көнчыгыштан уртача, кайбер районнарда көчле. Термометр баганалары көндез +15, + 20 градуска кадәр күтәреләчәк.

Пәнҗешәмбе көнне, 10 октябрьдә, шулай ук яңгыр көтелә, төньяк районнарда кар катыш яңгыр явуы ихтимал. Җил төньяк-көнчыгыштан, уртача, кайбер районнарда көчле җил. Төнлә температура +2, +7, көндез +8, +13, төньяк районнарда +3 градус тәшкил итәчәк.