Ауга барган да соң...

Ишембай шәһәренең 1985нче елгы кешесе ауда була һәм тирә-якны агач биеклегеннән карарга була. Тик менә ул 3-4 метр биеклектән егылып төшә.

Гадәттән тыш хәлләр буенча БР Дәүләт комитеты коткаручылары, зыян күрүченең танышы белән берлектә, ир-атның кайда булуын билгеләгәннәр, аны эвакуацияләгәннәр һәм Стәрлетамак шәһәренең дәүләт клиник дәваханәсенә дәвалану өчен ашыгыч медицина ярдәме бригадасына тапшырганнар.

Билгеле булуынча, ул урында телефон тотмаган. Шуңа күрә тиз арада табып булмаган. Бәхеткә, зыян күрүченең иптәше ул урманнарны яхшы белгән һәм иртәнгә аны тапкан.