“Әбиләр чуагы” тәмамландымы?

Алдагы көннәрдә Башкортстанда кыска вакытлы яңгырлар явуы  көтелә, дип хәбәр итә синоптиклар.

Башгидромет мәгълүматлары буенча, бүген көндез урыны белән бераз яңгыр явачак. Җил төньяк-көнбатыштан уртача. Көндез +17, +22 градус җылы булуы көтелә.

Җомга көнне, 20 сентябрьдә, кыска вакытлы яңгырлар көтелә. Ә менә көньяк районнарда явым-төшем юк. Җил көнбатыштан уртача. Төнлә температура +6, +11, көндез +15, +20 градус.

Шимбә көнне, 21 сентябрьдә, шулай ук кыска вакытлы яңгырлар явуы ихтимал. Җил көнбатыштан уртача. Төнлә температура +6, +11, көндез +13, +18 градус тәшкил итәчәк.

Әкренләп суыта. “Әбиләр чуагы” шуның белән тәмамланыр микән...