Хәзер пенсияләр яңача исәпләнәчәк

Хәзер түләүләрнең күпчелеге гариза бирүче "Дәүләт хезмәтләре" порталы аша тиешле мөрәҗәгать җибәргәннән соң автомат режимда рәсмиләштереләчәк һәм исәпләнәчәк, дип хәбәр итә "Кызыл таң" гәзите. 

Элегрәк Социаль фонд хезмәткәрләре пенсия яшендәге һәр гражданның мәгълүматларын кулдан тикшергән. Әгәр кешенең шәхси счетында страховка стажы турында тулы мәгълүмат булса, кешегә түләүләр алу өчен документлар тапшыру мөмкинлеге турында хәбәр җибәреләчәк.

Гариза бирүчегә берничә махсус сорауга җавап бирергә кирәк булган. Гадәттә, пенсия билгеләнүе турында, гариза биргәннән соң, өч сәгать эчендә хәбәр ителә.