Туган көнегез белән

Район Хакимияте башлыгы Илгиз Субушев Нөркә авылында яшәүче Миннур Шайбәкованы 92нче туган көне белән котлады.

-Күп еллар дәвамында игелекле һәм мөһим эшләр башкаручы, кешеләргә ярдәм итүче, күп кенә мәдәни һәм иҗтимагый чараларда, шул исәптән төбәк һәм төбәкара мәдәни вакыйгаларда актив катнашкан хөрмәтле кешене шундый истәлекле дата белән котлау минем өчен зур шатлык, - ди Илгиз Әхвәс улы.

Миңнур Сәет кызы тормыш иптәше белән 7 бала тәрбияләп үстергәннәр, хәзер аларның 11 оныгы, 17 туруны һәм 1 турунның баласы бар!

Хөрмәтле Миннур Шайбәкова, ихлас күңелдән туган көнегез белән котлыйбыз. Сезгә гомернең иң озынын, бәхетнең иң зурысын, шатлыкларның иң олысын юллыйбыз. Киләчәктә дә сәламәтлек, җан тынычлыгы, тигезлек, яңадан-яңа куанычлар, мул тормыш телибез.