Иске Балтач 1нче урта мәктәбендә махсус хәрби операциядә катнашучы райондашларыбыз өчен 50дән артык тартма бозылмый торган азык-төлек җыйганнар. Монда консервалар, шоколад, чәй, кофе һәм башка кирәк-яраклар. Иң мөһиме, чын йөрәктән һәм яхшы ниятләр белән. Һәр тартмада мәктәп укучыларыннан өйләренә имин кайту теләкләре белән язылган хатлар!
Райондашлар җиңүне якынайтыр һәм яугирләребезнең өйләренә исән-имин кайтулары өчен үз өлешен кертергә тырыша.