Олуг тормыш бәйрәме

Бөек Ватан сугышы ветераны Абзал Нисап улы Фазлыев үзенең 98 яшьлек гомер бәйрәмен бу көннәрдә билгеләп үтте. Хөрмәтле ветеранны сугыш еллары җырлары астында котладылар. "Кадерле Абзал Нисапович!

 Сезне туган көнегез белән котлыйм. Чын күңелдән Сезгә нык сәламәтлек һәм оптимизм, озын гомер телим, һәр көн игелек һәм уңай хисләр бирсен. Сезнең җилкәгездә зур һәм лаеклы тормыш. Сез Бөек Ватан сугышы һәм сугыштан соңгы еллардагы авыр сынауларны намус белән кичергән героик буынга карыйсыз. Көчегезне, сәламәтлегегезне һәм гомерегезне кызганмыйча фронтта сугышканыгыз өчен сезгә зур рәхмәт. Сезнең кебек кешеләр – районыбызның горурлыгы һәм даны, ә сезнең тормышчан үрнәгегез үсеп килүче буын өчен лаеклы үрнәк булсын",—дип район Хакимияте башлыгы Илгиз Субушев социаль челтәрләрендәге сәхифәсендә язган.

Ил киләчәге өчен көрәшкән солдатлар бүген дә сафта. Аларның кыюлыгына сокланырлык. Озын гомер, күтәренке кәеф, ныклы сәламәтлек телибез.