Ачык турнирда балтачлылар җиңүе

Бу чарада Русиянең төрле төбәкләреннән 80нән артык команда катнашты. Балтач спортчы кызлары югары осталыклары, синхрон эшләре, программаларының нәфислеге һәм эмоциональ тәэсирлелеге белән барысын да таң калдырдылар.Өчкомандада-"Агыйдел-йолдызчыклар", "Агыйдел-Бусинкалар" һәм "Агыйдел — курчаклар" - үз яшь категорияләрендә чемпион булдылар!

"Котлыйм! Спортчыларга уңышлар һәм яңа казанышлар өчен илһам телим! Тренерлар Наталья Абдуллина һәм Амелия Мәхмүтовага хезмәтләре өчен, шулай ук әти — әниләргә ярдәмнәре өчен аерым рәхмәт!"—дип  социаль челтәрләрдәге сәхифәсендә район Хакимияте башлыгы Илгиз Субушев спортчыларга тәбрикләү һәм соклану сүзләре юллаган.