Гто нормативларын кабул итү дәвам итә

"Яшьлек" физкультура-савыктыру комплексында Иске Балтач башлангыч мәктәбенең 3нче сыйныф укучылары ГТО нормативларын  тапшырды.

Катнашучыларга чиратлап ГТО комплексының түбәндәге нормативларын үтәргә кирәк иде: гимнастика эскәмиясендә басып торган килеш алга бөгелү, урыннан озынлыкка сикерү, аркада яткан килеш гәүдәне күтәрү,  йөгерү һәм башкалар.

Чара эмоциональ дәрәҗәдә үтте, балалар бер-берсе өчен куандылар, ә рекордка күтәрелүчеләрне алкышлар белән хупладылар.  Барысы бергә күнегүләр ясап, үзләренең физик яктан әзерлекләрен күрсәттеләр. ГТО нормативлары нәтиҗәләре балаларда киләчәктә дә үз мөмкинлекләренә ышаныч тудыра.

Гөлфия НӘБИЕВА,

инструктор-методист.