Йөзүчеләрне җиңүгә омтылыш берләштерде

Сәламәт яшәү образын, актив ял формасын пропагандалау, йөзү спортын популярлаштыру, шулай ук республика беренчелегенә үтәчәк бәйгеләрдә катнашу өчен спортчыларны сайлап алу максатында, узган атнаның шимбә көнендә „Яшьлек” физкультура-савыктыру комплексында ярышлар үтте.

Фирдәвес Рәхимов, „Яшьлек” физкультура-савыктыру комплексы дректоры Фәрит Галимов сәламләделәр.

Зур бәйгегә хас төс алды бу бәйге.Шәхси беренчелек һәм команда беренчелеге өчен игълан ителгән ярышларда район җирлегендә үрнашкан тугыз оешмадан спортчылар катнашты. Башкорт төньяк-көнбатыш авыл хуҗалыгы колледжыннан, район үзәгенең беренче һәм икенче санлы урта мәктәпләре, балалар иҗаты үзәге, район Хакимияте аппараты, „Изге уй” уучреждениесеннән, район мәгариф бүлеге , торак-коммуналь хуҗалыгыннан һәм Югары Янактай авыл җирлегеннән килгән спартчыларны сынады бу бәйге.

Командалар арасында үткән бәйгедә беренчелекне район үзәгенең икенче санлы урта мәктәбе коллективы яулады. Район Хакимияте аппараты спортчылары икенче урында. Башкорт төньяк-көнбатыш авыл хуҗалыгы колледжы командас лаеклы рәвештә өченче урынга чыкты.

17 яшьтән алып һәм аннан өлкәнрәк ир-егетләр арасында призлы урыннарны Рамил Шафиев(Югары Янактай авыл җирлеге), Айрат Сабирҗанов(Башкорт төньяк-көнбатыш авыл хуҗалыгы колледжы), Эльвир Миңнегалиев(Югары Янактай авыл җирлеге), Ирек Халиуллин(район Хакитмияте аппараты) яуладылар. Шул ук куатегориядәге хатын-кызлар арасында үткән бәйгедә Алсу Шакирова(район үзәгенең икенче санлы урта мәктәбе), Виолетта Валиуллина(район Хакимияте аппараты), Гөлнара Габдуллина(Башкорт төньяк-көнбатыш авыл хуҗалыгы колледжы) пьедестал баскычларына күтәрелделәр.

Җиңүчеләр Мактау грамоталары һәм истәлекле бүләкләр белән бүләкләнделәр.