2021 елда "Сөт кухнясы" 16 миллион порция сөт, кефир, эремчек һәм йогурт җитештергән.

Башкортстанда инде өченче ел өч яшькә хәтле балалар, йөкле хатыннар һәм бала имезгән аналар өчен азык-төлекне махсус продуктлары белән бушлай тәэмин итү программасы тормышка ашырыла. Ел да "Сөт кухнясы"н алучылар арта, җитештерү күләме арта һәм азык төре киңәя.

– Ел ахырына товар линейкасында яңа азык барлыкка килде, – дип сөйли Башкортстан сәүдә һәм хезмәтләр күрсәтү министры Алексей Гусев. – Берничә капларга салынган җимеш кушылган эремчек шуңа ачык мисал. Киләсе елда алма белән груша һәм персик кушылган эремчек җитештерү моңа ачык мисал. Максат – бәләкәчләргә аларның барысы да тәмле дә, файдалы да булсын.

2021 елда бәләкәчләр өчен "Сөт кухнясы" 16 миллион порция сөт, кефир, эремчек һәм йогурт җитештергән.

Бушлай коры катнашма, ботка һәм сөт продукцияләре белән 33 мең бала тәэмин ителгән. Алар өчен өстәмә рәвештә 11 фирма ноктасы булдырылган. Ә Күгәрчен, Кырмыскалы, Ишембай, Көергәзе, Стәрлебаш, Федоровка һәм Миякә районнарында сөт продукциясен тарату пункты (дүртенче нокта) ачылган, дип яза чыганак.

Фото: Башкортстан Хөкүмәте