"Аек авыл- 2024" конкурсының район этабы

26нчы декабрьдә "Аек авыл 2024" конкурсының район этабы кысаларында Магашлы - Алмантай авылының фельдшер-акушерлык пунктында участок терапевты Элина Илшат кызы Хисмәтованың күчмә кабул итүе булды. Кабул итүгә авылның күп кешеләре килгән иде. Кабул итүдә кан анализы тапшырырга, ЭКГ узарга, барлык тиешле тикшерүләргә юллама алырга мөмкин булды. Фельдшер  Зилә Нурислам кызы Александрова авыл халкы белән «Сак булыгыз» темасына әңгәмә үткәрде. Әңгәмә барышында ул ОРВИны кисәтү чаралары, үз-үзен дәвалауның беренче билгеләре һәм нәтиҗәләре турында сөйләде һәм буклетлар таратты.