Үзәк район дәваханәсендә семинар узды

Кереш сүз белән баш табиб Гыйльметдинов Салават чыгыш ясады.
ВК кабинеты мөдире Рәмилә Сираҗетдинова 2024 елның 1 кварталында терапевтик участоклар буенча үлем очракларына анализ ясады.
Баш табиб урынбасары, табиб-онколог Р.Р. Хәбипова яман шеш очраклары буенча чыгыш ясады. АПС мөдире А. Абрарова  диспансер күзәтүе һәм халыкны диспансерлаштыру, шулай ук РМИАСта  документларын рәсмиләштерү темасын тәкъдим итә. Табиб-эпидемиолог А. Фәрхетдинова талпан тешләгәндә эш итү алгоритмы белән таныштырды.
Авыл халкы өчен беренче, иң якын һәм иң уңайлы медицина ярдәме алу урыны булып фельдшер-акушерлык пунктлары тора. Беренчел звенога авыруларны профилактикалау һәм иртә стадиядә ачыклау буенча зур бурыч йөкләнә. Бергәләп эшләгәндә генә уңай нәтиҗәләргә ирешеп, халыкка медицина ярдәменең сыйфатын күтәрү мөмкин.