Бу атнада врачлар тематик лекцияләр укыды

СПИДка каршы көрәш атнасына һәм венерик авырулар турында мәгълүмат бирүгә багышланган тематик лекцияләр укыды врачлар. Очрашулар Башкорт төньяк-көнчыгыш авыл хуҗалыгы колледжыында, район үзәгенең1 нче һәм 2 нче урта  мәктәбендә оештырылды. Чаралар ВИЧ-инфекцияне профилактикалауга юнәлдерелгән. Чыгыш вакытында тапшыру юллары , инфекция йоктыру механизмнары, таралу нәтиҗәләре, әлеге авыруны профилактикалау һәм дәвалауның заманча ысуллары белән таныштырдылар. Шулай ук әңгәмәләр яшьләрдә сәламәтлекне саклауга һәм ВИЧ-инфекция йоктыру куркынычын киметүгә ярдәм итүче ныклы тәртип күнекмәләрен формалаштыруга юнәлдерелгән тематик мәгълүмати ресурслар белән тулыландырылды.

Яшьләр өчен бик кирәк мәгълүмат булды.