Ял көнендә сәламәтлекне кайгыртып

Ял көненә карамастан, Балтач үзәк район дәваханәсе поликлиникасында  мәдәният  хезмәткәрләре өчен медицина  диспансерлаштыру һәм вакцинация үткәрделәр. 30 кеше каралды, шуларның 16сы маммография үтте. Сәламәтлек өчен вакыт бүленү матур күренеш. Диспансерлаштыруны вакытында үтү кирәк. Сәламәтлек соравын һич кенә дә икенче планга калдырырга ярамый. Вакытында күренергә, иртәрәк диагноз куелган очракта, чирдән арынырга мөмкин. Моны мәдәният  хезмәткәрләре яхшы аңлый. Кешеләргә рухи байлык өләшер өчен сәламәт булу кирәк.