Барлык яңалыклар
Сәламәтлек
12 ноябрь 2021, 10:57

Оборона министрлыгы галимнәре коронавируска каршы БАД булдырганнар

Россия Хәрби галимнәре коронавируска каршы биологик актив өстәмә (БАД) эшләгәннәр.

Оборона министрлыгы галимнәре коронавируска каршы БАД булдырганнар

 

Россия Хәрби галимнәре коронавируска каршы биологик актив өстәмә (БАД) эшләгәннәр.

Бу хакта радиацион, химик һәм биологик яклау гаскәрләре башлыгы генерал-лейтенант Игорь Кириллов «Кызыл Йолдыз» газетасына биргән интервьюсында хәбәр иткән.

Оборона министрлыгының 27нче үзәк фәнни-тикшеренү институты галимнәре биологик актив өстәмәләр әзерләгән. Ул «КовБАД»дип атала. Ноябрь башында препарат дәүләт теркәве турында таныклык алган.

"Без үткәргән экспериментлар "КовБАД" ны куллануның икенче көнендә үк тамак өстендәге (носоглоткадагы) вируслар саны ике тапкыр кими, ә алтынчы тапкыр аның концентрациясе 16 тапкыр кими баруын күрсәткән. Нәтиҗәдә, кеше организмына йогынты да кими, авыру азрак өзлегүләр белән уза”, — дигән Кириллов.

Аның сүзләренә караганда, Оборона министрлыгының 27нче фәнни-тикшеренү институтында башка БАДлар да эшлиләр. Препаратларның төп компонентлары — арония экстракты (кара миләш), Эхинацея экстракты, фукоидан (кайбер энәләр организмында һәм суүсемнәрендә булган полисахарид), Тын океан кальмары гидролизаты һәм организмны вируска каршы яклауны арттыра торган башка табигый матдәләр.

Россиядә коронавирустан күпләп вакцинация ясау дәвам итә. Илдә COVID-19дан биш вакцина теркәлгән. Алар — “Спутник V” һәм аның Мәскәүдәге Гамалея исемендәге үзәк тарафыннан эшләнгән бер компонентлы “Спутник Лайт” версиясе. Новосибирскиның «Вектор» үзәгеннән «ЭпиВакКорона» һәм «ЭпиВакКорона-Н», шулай ук Чумаков исемендәге үзәкнең «КовиВак» препараты бар.

Моннан тыш, Россиядә коронавирустан башка препаратларны да эшләү бара. Аерым алганда, октябрьдә Федераль медик-биологик агентлык «МИР-19» даруын теркәү өчен документлар тапшырган. Препарат COVID-19ны профилактикалау һәм дәвалау өчен билгеләнгән һәм борын  өчен спрей яки ингаляция өчен сыекчадан тора.

Дару этиотроп терапия принцибы буенча, ягъни авыруны кузгатучыга каршы эшли. Ул геном вирусның конкрет участогына йогынты ясый һәм аңа үрчү мөмкинлеге бирми. Оперштабта препаратның кире нәтиҗәләре табылмавына ышандырганнар.

Чыганак: РБК

 

Оборона министрлыгы галимнәре коронавируска каршы БАД булдырганнар
Автор: