Җиңү көне —күп милләтле халкыбыз рухының какшамас көче

 Бөек Җиңү иҗатка илһамландыра, киләчәккә ышанычны ныгыта һәм безнең бөек Җиңү варислары булуыбызны искә төшерә.  Балтач районында Җиңү көненең 80 еллыгы тантаналы рәвештә үтте.  Район Хакимияте башлыгы Илгиз Субушев райондашларны бәйрәм уңаеннан котлады. Ватан азатлыгы өчен көрәшкән, Җиңүне тылдагы хезмәте белән якынайткан һәркемне парадтагы күренешләр хәтерләтте. Бөек Ватан сугышы халыкның илебезнең киләчәге өчен намус белән үткән иң авыр сынау булды. Җиңүчеләр буыны батырлыгы — безнең таяныч һәм көч чыганагы. Бүген, ул вакыттагы кебек үк, геройларның дәвамчылары Ватанны саклауга басалар. Җиңү һичшиксез безнең кулда булачак-һәрвакыт шулай булды һәм шулай булачак. 

Рима Вәлиева фотолары.