Гаилә атналыгында

"Белоснежка"балалар бакчасында Гаилә атналыгы тәмамланды. Атна буе балалар үз гаиләләре турында чараларда сөйләделәр, бу темага рәсемнәр ясадылар, аппликацияләр булдырдылар, әкиятләрне сәхнәләштерделәр. Рәсемнәрдән ата-анага булган сөюләрен күреп була иде. Ныклы гаилә булганда күңел тыныч, сабыйлар бәхетле, киләчәк якты һәм өметле булуы билгеле. Атна мавыктыргыч һәм кызыклы үтте. Кечкенә чактан гаилә кадерен белергә, җылы мөнәсәбәттә булып, бер-берсенең күңелен күрергә, тату яшәргә кирәклеген аңлап үссен өчен мондый чаралар үтә фәһемле. Бергәләшеп максатка ирештеләр.