Матур бәйрәм булып бу көн укучыларның хәтерендә калачак.
Район Хакимияте башлыгының социаль мәсьәләләр һәм кадрлар буенча урынбасары Инзилә Гасыймҗанова чыгарылыш сыйныф укучыларын котлады. Мәктәп директоры Азамат Муллый улы Мәгъзүмов чыгарылыш сыйныф укучыларын тәбрикләп ихлас теләкләрен җиткерде. Сыйныф җитәкчесе Нурия Сабирова укучыларны максатларына тугры калырга чакырды. Беренче укытучылары Фәйрүзә Шәрифҗанова ак юл юрап, алга барырга әйдәде. Вәгъдәләренә тугры булып калачакларына ышандырып Диана Хаҗиева чыгыш ясады...
Яшьлек вальсында әйләнүләре, җырлар, чыгышлар, яхшы нәтиҗәгә ирешкәннәрне тәбрикләүләр белән үрелеп барды бу чара. Соңгы кыңгырау чыңлавы укучыларны олы тормышка чакырды сыман.